Des soid  auf koan Ffoi a Belehrung füa Oimleid sei de des scho gmacht ham oda machan. Aba weah se mid anm Gedanggn droogd das as amoi probiern mecht, füa den is bestimmt ebbs dabei des a bedenga soidad.

Und wei i woas das de Bauan beim füastäihn oftmois davo ausgengan das der wos macha mecht, scho woas was a mecht, drum schreib e des. Do muas i den Oimwirtschaftlichen Verein ois erts kritisiern. Des wos do beim Oimlehrdoog in Feilnboch vazäihd werd des häifd an am Anfänga gar nix oda zmindest ned  fui. Ois Oimlehrdoog vastehd da Anfänga wos andas. Do aba san de Themen scho eha füa Fortgschrittne. Basiswissen gibts auf jeden Ffoi do ned. Drum soidad ma des a andas deklariern.