Miaddn, so hoassd bei uns ummaranand s schaugn noch m Viech, eigentle der Kern vo da Oimarbad. Z schaugn das a oih do san, ob eah nix fäihd, 

 

A wenns rengd oda anm Nebe kam wos siehgsd. Schaugn auf d Haxn, auf d Bewegung, auf n Kopf und Augn. Wenns da Baua soogd und er s a auf da Oim besama lossn mecht, obs stiern (brünstig san) Unddaschiedle werd d s  ghandhabt midm Soiz. De oan habm Leckstoa aufgstäihd. I hobs a so dalebd  das ma eah aus da Hand raus Soiz gibd. Und des jedn Doog. Do hosd na scho no den engan Kontakt. Des is aba a Froog wiavui Viech das zum beaufsichtign hosd.

Bois drogad san und scho anm End zua gehd a bissl aufs Eidda schaugn. Wos i leida scho a paar moi dalebm hob müassn, dass s Kaibe valorn hobm.

Higschmissn, a Doudgeburt wia ma soogd. Do soidad na de Koim hoam oda da Tierarzt kemma um d Nachgeburt z putzn.